ජීවිතේ මඳ හසක්

හමන සුළි සුලගක සිහිලැල්ල වීලා
ගලන මඳ පවනක හස රැල්ල වීලා
ගෙවෙන හැම මොහොතකම ආදරය දීලා
ඉන්න මගෙ පණ කෙන්ද නුඹ මගෙම වීලා
                                                      
ඇද වැටෙන වැහි බිඳක කරුනාව වීලා
ගලා යන ගං තෙරක ප්‍රේමයත් දීලා
ආදරේ ඇති හදක සෙවනැල්ල වීලා
ජීවිතේ ලඟ ඉන්න මඳ හසක් දීලා
                                                                                  
ආදරේ නොහදුනන ප්‍රේමියෝ බොහෝ ඇති
ආදරේ නොමදකින ප්‍රේමියෝ බොහෝ ඇති
නුඹ වගේ සැප හොයන ප්‍රේමියෝ බොහෝ ඇති
මා වගේ ලඟ ඉන්න ප්‍රේමයෝ ලොවේ නැති
                                                                                   
 මඳු විතක,මීවිතක ආදරේ රැදෙන්නැති
තව ටිකක් රැළි නගන සව් කොළෙක බැදෙන්නැති
ඒ හිංද මම නුඹට ප්‍රේමයෙක් ටිකක් දුනි
දුක් නොවී ලඟ ඉන්න ඒ වගේ නුඹත් වටී   
                                                                        
ප්‍රේමයක් වගේ ඇති පතිවතක් මට එපා
මහ උසට ඉතිරෙන්න ආදරෙත් මට එපා
පුංච් හිත බිඳ දමන විරහවත් මට එපා
ප්‍රේමයක් ඇර කිසිත් නුඹෙන් මට දෙනු එපා